نصوص زجلية

للزجال الجوال

قرميم سعيد

ديوان المجذوب في الدروب**

مجذوب العصر و الرسائل العشر

الرسالة الأولى

غدا نسافر

نقطة ارجع للسطر

فاصلة فسر

تعجب تعجب في المنظر

و غدا نسافر

غدا نسافر و ندي سفاري

الخياط افصل

الحاكم يعدل

و اللي هاز شي ثقل يتفضل

يبوح بسر كيف فشيت أسراري

اللي ذنب يستغفر

اللي تلف يستفسر

قبل يخرجوا رجليه الشواري

n نبوح بسر

n نقولها بالجهر

n كلامي يلزموا النشر

n أنا فقير غلبني الفقر

n لا باش نسجل لا باش نحفظ

n و لا ما نعطي لدار الطباعة و النشر

n و باش ندون حروف سفاري

n نصبر حتى يطلع الفجر

n نجيب جراري و نجر

n و اللي ما تجر يجروا حماري

n جهدي هزل و بردت ناري

n قضى علي الفقر و الذل

n و لسعني الحنش في غاري

n مسماري حفا

n و كملت بنيابي و أظفاري

n جفوا نطافي وكحوا بياري

n لا من دقدق علي

n و لا من عرف باب داري

n غرقت في بحر القافية و أمواج أشعاري

n خلقت في لالة هنية الحمرية

n و سكنت لالة ميمونة الكناوية

n عندي في حياتي أمنية

n قبل موتي نتمناها تتحقق لي

n نجمع أولادي و ندير معا صورة تذكارية

n الاسم العائلي قرميم

n نبدأ قرميم نبيل+ قرميم عبد الرحيم+ قرميم نادية+ قرميم سميرة// - بأسفي من الأم فراك حفيظة

n قرميم أسامة +قرميم نورة + قرميم عبدالله بأكدير من الأم محمودي مباركة

n قرميم أيوب بمكناس من الأم طويه إلهام

n قرميم رشيد + قرميم سعاد بالدار البيضاء من الأم الزوباري خديجة

n قرميم منال + قرميم أحمد بلالة ميمونة الكناوية من الأم منضور كبيرة

n كيف نجمعهم كاملين و شكون فيهم حس بي

n هادي قصة واقعية

n مع التنمية البشرية

n و الجامعات الشعبية

n قلت نوقف على رجلي

n و نبوح بأسراري

n نخرج نعطر في كل قبيلة و كل دشر

n دفتري في جنبي معاه نستشر

n و فيه نفد قراري

n نهيم براح

n في الأسواق الملاح

n نعلم على الصلاح

n اللي لقي توا يغني أنا ليه شطح

n و اللي لقي توا يوتر نعطيه أوتاري

n نرسم خشبة

n بفن الرشة و الكتابة

n نبدأ من دابة

n و اللي المخ

n بين الإبهام و السبابة

n نألف كتاب

n باللب و الإسطرلاب

n نقبت الميكروفون

n و نقول فليفلة فوني غصن زيتوني عزيز فوني

n خصكم تعرفوني

n Stop

n قف

n وقف دير الصف حرف الصبر أعجف و لهيب الجمر تقذف و في واد القوافي مشيت مفيف

n لا باص لا فيزة لا شيك باش نتسلف

n ربيعي خرف

n مدادي نشف

n وصلني الشيب و الشرف

n الموت و الحذف

n شي عندي شرف

n شي علي تلف

n نخرج متكركب و مردف

n نتسلف و نتكلف

n أكيف جمعت حرف ب حرف

n نطبع حرف ب حرف

n ندير ليه غلاف

n و نجول بيه طواف

n نسافر في المسافر قذاف

n و نزور كل قارئ ملهاف

n نمشي غير بالمقداف و لا من حد نخاف

n ديواني متحف و تحف

n ما بين النون و الكاف

n عايش طواف غير بالمقداف

n و قاف قرقلاف

n شاف و ما تشاف

n الاسم العائلي يبدأ بالقاف

n و القاف قرقلاف واقفة في الحاف و خايفة الشاف يرميها في الحاف قبل ما تشاف

n و الشخصي يبدأ ب السين

n و السين سحاق و محاق و حاض فساقوا

n يوري للناس العقل و هو كاع ما رزاقو

n يتلقب ب الفاء و الفاء فيافة واقفة في حافة و حالفة ما تفافة

n و في أخر بيت أقول مليت هاد الحرفة

n مليت الأقلام و شكواي للأوراق

n وn سعاد و رشيد عند سر الأوراق

n على ود الفراق

n لا للتعب شكيت و لا للإرهاق

n لاكن شكواي للمستور راها في الأعماق

n هاد السنبلة إن ضاعت السر باق في الواق اسقي الأوراق

n و الزن التق

n نبيل و عبد الرحيم + نادية و سميرة إخوة شقاق

n أسامة و عبد الله و نورة طلاق الشقاق

شربت كأس العلقم

n منال و سيدي أحمد نقولها بلا نفاق باقين دالعين معايا بالأسواق

n و الزن تاق ترتلاق

n أشواك محل أشواق**

n ومليت الأقلام و شكواي للأوراق

n ----------------------------------------خلوني نكتب

n و لاش دزوني و أنا نجذب

n و لاش لاموني حنت ما نكذب

n يمكن كرهوني و ظنوني نكذب

n و بغاو لي الدر بالة البالية

n نساو لي أصلي و نساو لي ناسي

n ما عرفوني مجذوب أو مقلوب أو مخلخل في راسي

n واه حسرة على الأيام – واه حسرة على الأيام

n الأيام الزاهية

n ضاعوا فيها الأولاد

n ضاعوا فيها الجواد

n وضاعوا فيها الأحباب

n و الدنيا فانية

n و لا تلوموني في هاد الحال

n لا تلوموني في هاد الحال

n رآه من المحال نبقاو في هاد الحال

n و الحال يا أهل التربة و الجذبة و المحبة و الحال

n غدا يصفا الحال و نحروا نساء و رجال من جبال الأناضول لجبال تبقال

n و أهل الحال يا أهل الحال من المحال نبقاو في هاد الحال

n ومن المحال الذئب يحوم و شبابنا عاطل

n ومن المحال القرود ترهب الفيل

n ومن المحال ينجز فينا المنوال

n ومن المحل بني قشتا ل يطول النزال في جزيرة تلال

n ومن المحل حوتنا في قاع البحر يتكال

n ومن المحل نسرنا يخلي الشلال و يشرب ماء الكلال

n ومن المحل طيرنا الحر يتكسب بحل الغزال

n هادا طبعنا في الحال انفكوا الغلال

n و نجول وطئ و جبال

n و نست فسروا غيب و أدغال

n سول و سال و خوذ الأمثال بالمكيال

n سيرتنا معروفة بالخصال و حسن الأفعال

n سيرتنا معروفة بالخصال و حسن الأفعال

n هادا التاريخ قال و سجل للغد شلا رجال

n سباع و أشبال و سيوف تقال

n و حبنا لأولادنا و الأوطان مالوا مثال

n و الحال يا أهل التربة و الجذبة و المحبة و الحال من المحل ننساكما سبته و م ليلية من البال

n و هلي الحال يا أهل الحال غدا يصفا الحال و نزعوا فول و بقول – تين و برتقال

n زيتون و رمان ريحان و أقحوان و نقلوا ها أمان الأمان و عند الامتحان يعز المرء أو يهان

n ها اللبان و ها جبان حلي و ملي و وكل و بان

n و ها طيب و هاري للناس اللي ما عند همش السنان و ر البيض المهروس من زمان ما يسوى ثمن

n و قال المجذوب سيدي عبد الرحمان

n هامان ها ما ن ما بقات رحمة ما بقا إيمان لا في عيسى و لا في عثمان

n و قال مجذوب هاد الزمان مابقاتش الثقة في عتيقة و إلى اللقاء يا أصدقاء في الرسالة الثانية من رسائل المهب ول و القول المز جول بعنوان ديوان في دكان طال النسيان و لوحة فنان بجميع الألوان تقول للإنسان كان يا ما كان و كان حتى كان اللي راد مول الكون في الكون يكون هو اللي كان