جمــــــــــال البشرة – المرحلة الأولى -- التغدية --

جمالك و زينك خويا المغربي عندو علاقة كبيرة بصحتك إلى ما كانش الواحد صحتو عيانة وخا معرفت شنو يدير أو يلبس ما غاديش يكون جميل و زوين ,و الإعتناء أخي بالصحة كيبدا بالأكل ديالك ,كلما كليتي أكل صحي متنوع فيه الخضر و الفواكه و القليل من اللحوم و الشحمة و ليدام كلما كانت صحتك مزيانة و مظهر ديالك مزيان و تكون البشرة ديالك صافية و زوينة ,والبشرة ديالك خويا هي أول حاجة كتبان فالمظهر ديالك ,إذن كلما غديناها من الداخل عن طريق الأكل ديالنا,كلما كانت صافية و ناصعة
*الفيتامينات المزيانين للبشرة
فيتامين أ و فيتامين ب5 وفيتامين ب ب

هادالفيتامينات كنلقاوهم فبعض الأغذية بحال الزبدة,صفر ديال البيض,لحليب الكامل الدسم,و الكبدة
طرف ديال لفروماج + بيضة كتغطي 40/100 حتى ل 50/100ديال حاجيات البشرة اليومية من فيتامين' أ ', فيتامين'ب ب' كنلقاوه فالكبدة و اللحوم و الحوت و الخضرو الحبوب,
ستيكا ديال بيبي 100 غ كتوفر نص النسبة اللي كيحتاجها الجسم و البشرة فنهار باش تكون مزيانة و بصحة جيدة و زوينة
اللحوم و الحوت و الخضر و الحبوب هاد المأكولات غنية بفيتامين' ب 5
ما نساوش خميرة البيرة و اللي هي غنية غنية جدا بفيتامين أ و فيتامين ب ب
إذن أول حاجة إلى بغينا نكونو زوينين نهتمو بالبشرة ديالنا عن طريق التغدية ديالنا

هشام اعبابو

مشاركات القراء: